जन्मभुमि खबर ,
पोखरा ।
जाजरकोटको रामी डाँडालाई केन्द्रबिन्दु बनाएर शुक्रबार राति गएको भूकम्पमा परी मृत्यु हुनेको संख्या १४३ पुगेको छ । जसमध्ये जाजरकोटका मात्रै १०५ जनाको मृत्यु भएको छ ।
नेपाल प्रहरीका अनुसार शनिबार दिउँसो साढे ३ बजेको विवरणमा जाजरकोटमा मृतकको संख्या १०५ पुगेको छ भने रुकुम पश्चिममा ३८ जनाको मृत्यु भएको छ । प्रहरीका अनुसार जाजरकोटमा ८१ जना घाइते रहेका छन् भने रुकुम पश्चिममा ८५ जना घाइते भएका छन् । कूल घाइतेको संख्या १६६ रहेको प्रहरीले जानकारी दिएको छ ।
घाइतेहरूको काठमाडौं, बाँके, सुर्खेत लगायतका जिल्लामा रहेका अस्पतालमा उपचार भइरहेको छ ।
