जन्मभुमि खबर ,
पोखरा ।
पोखराको छोरेपाटनबाट शान्ति स्तुपा जाँदै गरेको नगर बस दुर्घटना भएको छ ।
दुर्घटनामा परि ३५ जना घाईते भएका छन् । घाईते मध्ये ७ जनाको अवस्था गम्भीर रहेको वडा प्रहरी कार्यालय बैदामका ईञ्चार्ज तथा प्रहरी नायव उपरीक्षक राजेन्द्र श्रेष्ठले जानकारी दिए ।
पुम्दीभुम्दी जाने बाटो घैयाखेतमा दुर्घटना भएको हो । दुर्घटनामा परेकाहरुको उद्धार भइरहेको प्रत्यक्षदर्शी रमेश बरालले जानकारी दिए ।
जिल्ला प्रहरी कार्यालय कास्कीका अनुसार ग १ ख ८५८५ नम्बरको नगर बस दुर्घटनामा परेको हो ।
‘गम्भीर घाइते हुनुहुन्न भन्ने छ । तैपनि बुझ्दैछौं,’ उनले भने, ‘सबैलाई गाडीबाट निकालिएको छ । हतारमा उद्धार गरिएकोले केही गम्भीर हुनुहुन्छ भनिएको छ । अस्पताल पुगेपछि थाहा हुन्छ ।’ गाडी भीरबाट खसेर उत्तानो परेको थियो । घाइतेहरूमध्ये ७ जनालाई पश्चिम क्षेत्रीय अस्पताल पठाइएको छ । कम्तीमा १२ जना यात्रु घाइते छन् । प्रत्यक्षदर्शीका अनुसार ३ जना घाइतेको अवस्था गम्भीर छ ।
‘ट्याक्सी, निजी कार जेमा भेट्यो त्यसैमा पठाएका छौँ,’ उद्धारमा खटिएका स्थानीय युवक लामिछाने भन्छन्, ‘धेरैलाई हात र खुट्टामा चोट छ । तीन जनालाई अलि अवस्था गम्भीर थियो ।’ उनका अनुसार गाडीमा ३० जना भन्दा बढी सवार थिए । उनीहरूलाई पोखराका विभिन्न अस्पताल पठाइएको छ ।
