जन्मभुमि खबर ,
पोखरा ।
पोखरा महानगरपालिका २५ हेम्जामा काठमाडौंबाट बागलुङका लागि छुटेको हाइसले पैदल यात्रीलाई ठक्कर दिँदा एक जनाको मृत्यु भएको छ ।
पोखरा २५ हेम्जा सापकोटाचोकमा बाटो काट्दै गरेकी नौली बिकलाई बा ३ ख ९७२६ नम्बरको हाइसले ठक्कर दिँदा मृत्यु भएको प्रहरीले जानकारी दिएको छ ।
कास्कीको अन्नपूर्ण गाउँपालिका ४ घर भएकी नौली छोरीको घर आउने क्रममा हाइसको ठक्करबाट शनिबार मृत्यु भएको प्रहरीको भनाई छ ।
गम्भिर घाइते भएकी नौलीको उपचारको क्रममा पोखरा स्वास्थ्य विज्ञान प्रतिष्ठानमा मृत्यु प्रहरीको भनाई छ । दुर्घटनापछि बस र चालकलाई नियन्त्रणमा लिएको छ ।
