जन्मभुमि खबर ,
पोखरा ।
पोखरामा ट्रकको ठक्करबाट स्कुटर चालकको मृत्यु भएको छ ।
पोखरा पृथ्वीचोकबाट सभागृह चोकतर्फ जाँदै गरेको ग २२ प ७९५ नम्बरको स्कुटरलाई बागमती प्रदेश ०३००१ क २६३ नम्बरको ट्रकले सोमबार ठक्कर दिँदा स्कुटर चालक तनहुँ जिल्ला म्याग्दे गाउपालिका वडा नम्बर ४ की २० वर्षीया वर्षा कुमालको मृत्यु भएको जिल्ला ट्राफिक कार्यालय कास्कीले जनाएको छ ।
ठक्करबाट गम्भिर घाईते भएकी वर्षाको गण्डकी मेडिकल कलेजमा उपचारको क्रममा मृत्यु भएको प्रहरीले जनाएको छ । दुर्घटनापछि ट्रक चालकलाई प्रहरीले नियन्त्रण लिएको छ ।
