जन्मभुमि खबर ,
पोखरा ।
काठमाडौंको तारकेश्वर नगरपालिका-५ स्थित चो गाउँमा पहिरोले घर पुरिँदा बाबु-छोरीको मृत्यु भएको छ ।
शनिबार राति करिब ९ बजेतिर चन्द्र तामाङको घर पहिरोले पुरिँदा भाडामा बस्दै आएका नुवाकोट सामरीका ४१ वर्षीय गणेश तामाङ र उनकी छोरी १५ वर्षीया आश्मा तामाङको मृत्यु भएको हो ।
गणेशकी श्रीमती घाइते भएकी छन् भने छोरा सकुशल रहेको नगरपालिकाका मेयर कृष्णहरि महर्जनले जानकारी दिए ।
मृतक बाबु-छोरीको शव पोस्टमार्टमका लागि त्रिवि शिक्षण अस्पतालमा राखिएको छ ।
