जन्मभुमि खबर ,
पोखरा ।
आइतबार बिहानैदेखि अवरुद्ध मुग्लिन-नारायणगढ सडक दिउँसो ३ बजेपछि पूर्ण रुपमा सञ्चालनमा आएको छ ।
भरतपुरको डिभिजन सडक कार्यालयले एक सूचना जारी गर्दै सडक दुईतर्फी रुपमा सञ्चालनमा आएको जनाएको छ ।
पछिल्लो पटक आइतबार बिहान इच्छाकामना गाउँपालिका-६ मा पर्ने कालीखोला पुल नजिकै पहिरो खसेपछि सडक अवरुद्ध भएको थियो । पहिरोका कारण सयौं सवारीसाधन र यात्रुहरू अलपत्र परेका थिए ।
वर्षाका कारण यो सडक खण्डका विभिन्न स्थानमा पहिरो जाँदा पटकपटक अवरुद्ध हुँदै आएको छ ।
