जन्मभुमि खबर ,
पोखरा ।
पोखरामा स्विमिङ पुलमा नुहाउने क्रममा डुबेर एक बालकको मृत्यु भएको छ।
पोखरा महानगरपालिका–१८ बाटुलेचौरस्थित मोहनदत्त पोख्रेलले सञ्चालन गरेको स्विमिङ पुलमा पौडी खेल्ने क्रममा डुबेर वडा नम्बर ८ आलुमाइला चोकका १० वर्षी बालक ऐनक्स थापाको मृत्यु भएको हो।
शनिबार साँझ साढे ६ बजेतिर पुलमा डुबेर गम्भीर घाइते भएका थापालाई उपचारका लागि दीप अस्पताल पठाइएकोमा राति ११ बजेर १० मिनेटमा चिकित्सकले उनलाई मृत घोषणा गरेका थिए। उक्त स्थानमा वडा प्रहरी कार्यालय बगरबाट प्रहरी निरीक्षकको कमाण्डमा खटिएको १० जनाको टोलीले अनुसन्धान गरिरहेको छ।
