राष्ट्रिय स्वतन्त्र पार्टी (रास्वपा) का सभापति रवि लामिछानेको चितवनस्थित घरको छतबाट खसेर लामिछानेका सवारी चालक सिन्धुपाल्चोकको बाह्रबिसे नगरपालिका–३ घर भएका ३९ वर्षीय शम्भु भन्ने चालक दिलबहादुर थापा छतबाट खसेर गम्भीर अवस्थामा फेला परेका हुन् ।
चितवन निर्वाचन क्षेत्र नम्बर – २ मा आगामी बैशाख १० गते हुने उपनिर्वाचनको उम्मेदवार लामिछानेको घरको छतबाट चालक थापा आज बिहान करिब ४ बजेको समयमा खसेका थिए । चितवनका प्रहरी उपरीक्षक रामेश्वर कार्कीकाअनुसार सीसीटिभी फुटेजमा बिहान ३ बजेर ५४ मिनेट जाँदा चालक थापा छतबाट खसेको देखिएको छ ।
उनको अवस्था चिन्ताजनक रहेको र हाल भरतपुरस्थित पुरानो मेडिकल कलेजमा उपचार भइरहेको छ ।
सिन्धुपाल्चोकको बाह्रबिसे न.पा. ३ घर भएका ३९ वर्षीय थापा भरतपुर – ११ स्थित लामिछानेको निवासको माथिल्लो तल्लामा सुतेका थिए ।
रास्वपाका नेता मुकुल ढकालका चालकसँगै सुतेका लामिछानेका चालक कसरी छतबाट खसे भन्ने अनुसन्धान भइरहेको प्रहरीले जनाएको छ ।
