जन्मभुमि खबर ,
पोखरा ।
गण्डकी प्रदेशको मुख्यमन्त्रीमा नेकपा एमाले संसदीय दलको नेता खगराज अधिकारी नियुक्त भएका छन् ।
प्रदेश प्रमुख पृथ्वीमान गुरुङले संविधानको धारा १६८ (२) अनुसार दुईभन्दा बढी दलको समर्थनमा दाबी पेस गरेका अधिकारीलाई सोमबार मुख्यमन्त्री नियुक्त गरेका हुन् ।
एमालेका २२, माओवादी केन्द्रका ८, राप्रपाका २ जना र एकजना स्वतन्त्रसहित गरेर ३३ जना सांसदको समर्थनमा अधिकारी मुख्यमन्त्री बनेका हुन् ।
अधिकारीको शपथ आजै साँझ साढे ४ बजे प्रदेश प्रमुखको निवासमा गर्ने तयारी छ ।
