पृथ्वी राजमार्गअन्तर्गत तनहुँको आँबुखैरेनी गाउँपालिका–२ खानीखोलाको पुल भासिँदा अवरुद्ध सडक सुचारु भएको छ । सोमबार बिहान १० बजेदेखि अवरुद्ध सडक साढे १ बजेदेखि सुचारु भएको जिल्ला प्रहरी कार्यालय तनहुँका प्रहरी नायब उपरीक्षक युवराज खड्काले बताए ।
उनका अनुसार सडक निर्माणको क्रममा पुल भासिदा दुईतर्फी सवारी आवागमन बन्द भएको थियो । सवारी आवागमन रोकिँदा यात्रु मर्कामा परेका थिए । पृथ्वी राजमार्ग भएर सञ्चालन हुने केही सवारीसाधनले वैकल्पिक मार्गको प्रयोग गरेको जिल्ला ट्राफिक प्रहरी कार्यालय तनहुँले जनाएको छ ।
