२०२७ को यू–१९ विश्वकप क्रिकेट नेपाल र बंगलादेशले आयोजना गर्नेनेपाल र बंगलादेशले सन् २०२७ मा हुने आईसीसी यू–१९ विश्वकप क्रिकेटको आयोजना गर्ने भएका छन् ।
अन्तर्राष्ट्रिय क्रिकेट परिषद् (आईसीसी) ले आइतबार २०२७ मा यू–१९ विश्वकप क्रिकेटको आयोजना गर्ने देशको टुंगो लगाएको हो । योसँगै नेपालले पहिलोपटक विश्वकप क्रिकेटको आयोजना गर्न पाउने भएको छ । यसअघिसम्म मैदानकै कारण आईसीसीका ठूला अन्तर्राष्ट्रिय कार्यक्रम गर्न पनि आनाकानी गर्दै आएको आईसीसीले नेपाललाई यो एउटा ठूलो अवसर दिएको छ ।
आईसीसीले २०२४ मा हुने यू–१९ विश्वकप आयोजनाको जिम्मा भने श्रीलंकालाई दिएको छ । २०२६ को विश्वकप भने जिम्बाब्वे र नामिबियाले संयुक्त रूपमा पाएका छन् । २०२५ को यू–१९ महिला विश्वकप मलेसिया र थाइल्यान्डले आयोजना गर्नेछन् । २०२७ को यू–१९ महिला टी–२० विश्वकप बंगलादेश र नेपालले आयोजना गर्नेछन् ।
