जन्मभुमि खबर ,
पोखरा ।
पोखरा-२५ हेमजामा आइतबार साँझ भएको सवारी दुर्घटनामा परि हुँदा एक युवकको ज्यान गएको छ । मृत्यु हुनेमा माछापुच्छ्रे गाउँपालिका वडा नं. ४ लाहाचोकका २७ वर्षीय नवराज नेपाली रहेका छन् ।
कास्की प्रहरीका अनुसार पोखरा-२५ हेमजामा नेपाली सवार ग१७प १९७० नम्बरको मोटरसाइकललाई ग१क ५१५२ नम्बरको ट्रकले ठक्कर दिए लगत्तै मोटरसाइकलमा अचानक आगलागी भएको थियो । आगलागीले नेपाली जलेका थिए ।
उनलाई तत्कालै उद्धार गरि उपचारका लागि मणिपाल शिक्षण अस्पताल लागिएकोमा चिकित्सकले मृत घोषणा गरेको जिप्रका कास्की प्रवक्ता सुन्दर तिवारीले बताए ।
सो दुर्घटनामा ट्रकधनी हेमजाका ४१ वर्षीय क्षेत्रबहादुर कुँवरसमेत आगो निभाउने क्रममा जलेर घाइते भएका छन् । उनको मणिपाल शिक्षण अस्पतालमै उपचार भइरहेको छ । ट्रक र चालक पोखरा-२५, लाम्पाटाका २४ वर्षका किरण बुढा मगर प्रहरी नियन्त्रणमा छन् ।
