जन्मभुमि खबर ,
पोखरा ।
पोखरामा आज कोरोना भाइरस विरुद्धको बुष्टर डोज खोप वितरण हुने भएको छ ।
पोखरा महानगरपालिकाभित्रका विभिन्न एघार स्थानबाट खोप वितरण हुने स्वास्थ्य महाशाखाले जनाएको छ ।
कृस्ती प्राथमिक स्वास्थ केन्द्र ,निर्मलपोखरी स्वास्थ चौकी , पोखरा स्वास्थ चौकी , भरतपोखरी स्वास्थ चौकी , शहरी स्वास्थ केन्द्र ३३ लामगादी , लक्ष्मी मा.वि अर्घौ पोखरा २६, लेखनाथ स्वास्थ चौकी , कास्कीकोट
स्वास्थ चौकी , सराङकोट स्वास्थ चौकी,
बेगनास स्वास्थ चौकी , शहरी स्वास्थ केन्द्र ३१ पचभैया , शहरी स्वास्थ केन्द्र ३१ अर्चलथर र शहरी स्वास्थ केन्द्र १ बगर बाट खोप वितरण हुने बताइन्छ ।
एस्ट्राजेनेका, कोभिशिल्ड र भेरोसेल खोपको दोश्रो मात्रा लगाएको तीन महिना पूरा भएका र जोन्सन खोपको एक मात्रा लगाएर तीन महिना पूरा भएका व्यक्तिलाई बुष्टर डोज दिइने भएको छ ।
खोप लगाउन जाने व्यक्तिलाई खोपकार्ड लिएर आउन आग्रह गरिएको छ ।
