आईसिसी विश्व क्रिकेट लिग टु अन्तर्गत आफ्नो पाँचौं त्रिकोणात्मक सिरिजको पहिलो खेलमा नेपालले आज नामिबियासँग खेल्दैछ ।
स्कटल्याण्डमा हुने एकदिवसीय त्रिकोणात्मक सिरिजको पहिलो खेलमा नेपालले नामिबियाको सामना गर्न लागेको हो । खेल नेपाली समय अनुसार दिउँसो सवा ३ बजे शुरु हुनेछ ।
नेपालसहित घरेलु टोली स्कटल्याण्ड र नामिबिया सम्मिलित सिरिजमा नेपालले कम्तिमा ३ खेल जित्ने लक्ष्य राखेको छ । सिरिजमा यी दुई टोलीसँग नेपालले पहिलो पटक खेल्न लागेको हो ।
तालिकामा स्कटल्यान्ड २० खेलबाट २८ अंक जोडेर दोस्रो स्थानमा छ । नेपाल १६ खेलबाट १५ अंक जोडेर पाँचौं र १४ खेलबाट १४ अंक भएको नामिबिया छैटौं स्थानमा छ ।
तालिकाको शीर्ष तीन टोली एकदिवसीय विश्वकपको विश्वस्तरको छनोटमा पुग्नेछन् ।
