३,४७९ जनामा संक्रमण पुष्टि हुँदा ६,६३६ जना डिस्चार्ज
पछिल्लो २४ घण्टामा देशभर कोरोना भाइरस संक्रमितको संख्या ३, ४७९ पुगेको स्वास्थ्य तथा जनसंख्या मन्त्रालयका प्रवक्ता डा. कृष्णप्रसाद पौडेलले जानकारी दिएका छन् । जसमा १० हजार ४७१ जनाको पीसीआर परीक्षण गर्दा ३०२४ जना तथा ३२६२ जनाको एन्टिजेन परीक्षण गर्दा ४५५ जनामा संक्रमण पुष्टि भएको हो ।
आज ६ हजार ६३६ जना संक्रमित निको भएका छन्।
मन्त्रालयका प्रवक्ता पौडेलका अनुसार आज कोरोना भाइरस संक्रमणका कारण ९९ जनाको मृत्यु भएको छ । यो सँगै हालसम्म मृत्यु हुनेको संख्या ७८९८ पुगेको छ।