कास्कीको माछापुच्छ्रे गाउँपालिकामा दुई तले घरमा आगलागी, १५ लाख बराबरको क्षति
जन्मभुमि खबर,
पोखरा ।
कास्की माछापुच्छ्रे गाउँपालिका -१ धिप्राङको एक घरमा आगलागी भएको छ ।
मंगलबार राति स्थानीय केशरी गुरुङको दुई तले घरमा अचानक आगलागी हुँदा ढुङ्गा माटोले बनेको घरमा क्षति पुगेको गण्डकी प्रदेश प्रहरी कार्यालय पोखराका डिएसपी श्यामु अर्यालले जानकारी दिनुभयो ।
आगलागीबाट करिब १५ लाख बराबरको भौतिक क्षति भएको डिएसपी अर्यालले जानकारी दिनुभयो ।