जन्मभुमी को आबाज || आबाज बिहिनकाे आबाज

कास्कीका २ जना सहित पर्वत का १ जनाको उपचारको क्रममा पोखरामा कोरोना संक्रमणका कारण मृत्यु

जन्मभुमि खबर,
पोखरा ।

शनिवार पोखरामा थप तीन जनाको कोरोना संक्रमणका कारण मृत्यु पुष्टि भएको छ।

प्रदेश स्वास्थ्य निर्देशनालयका अनुसार पर्वत जिल्ला कुश्मा नगरपालिकाका एक जना र पोखरा महानगरपालिका दुई गरी थप तीन जनाको मृत्यु पुष्टि भएको हो ।

कास्की जिल्ला पोखरा महानगरपालिका -१३ निवासी ४८ वर्षीय पुरुषको शुक्रवार साँझ नै उपचारका क्रममा स्वास्थ्य विज्ञान प्रतिष्ठानमा मृत्यु भएको छ ।

यस्तै,गएको वैशाख ७ गते कोरोना पोजेटिभ देखिएर उपचारका लागि मेडिप्लस अस्पताल भर्ना भएका पर्वत जिल्ला कुश्मा नगरपालिका -१ का ४० वर्षीय पुरुषको शुक्रबार साँझ ५ :१८ बजे मृत्यु भएको छ ।

गएको वैशाख १३ गते कोरोना पुष्टि भएर उपचारका लागि अस्पताल भर्ना भएका ती पुरुषमा कोरोनासंगै निमोनियाको समस्या रहेको अस्पतालले जनाएको छ।

यस्तै, कोरोना पोजेटिभ पुष्टि भएर उपचारका लागि मणिपाल शिक्षण अस्पताल भर्ना भएका पोखरा -१० निवासी ८१ वर्षीय वृद्धको शुक्रवार साँझ ७:२५ बजेको समयमा मृत्यु भएको छ ।मृतक वृद्धमा शुक्रवार मात्रै कोरोना संक्रमण पुष्टि भएको थियो ।

आज थप मृतकसंगै गण्डकीमा कोरोना संक्रमणका कारण ज्यान गुमाउनेको संख्या २५१ पुगेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले जानकारी दिए ।