जन्मभुमी को आबाज || आबाज बिहिनकाे आबाज

पोखराको सराङकोटमा कार दुर्घटना, एक जनाको मृत्यु , दुई जना घाइते

जन्मभुमि खबर,
पोखरा ।

पोखराको सराङकोटमा आज आइतबार भएको कार दुर्घटनामा नवलपरासीका बद्री खत्रीको ज्यान गएको छ । कार चलाइरहेका उनीसमेत ३ जना घाइते भएकाेमा उपचारका लागि पश्चिमाञ्चल क्षेत्रीय अस्पताल पुर्‍याइएकोमा खत्रीलाई पौने १० बजे चिकित्सकले मृत घोषणा गरेको कास्की जिल्ला प्रहरी कार्यालयका कास्कीका प्रहरी निरीक्षक (इन्स्पेक्टर) दीपक केसीले जनाएका छन् ।

दुर्घटनामा पोखराका सपना घोताने र किरण अर्याल घाइते भएका छन् । उनीहरुको अवस्था सामान्य छ । अस्पतालमा उनीहरुको उपचार भइरहेको पनि प्रहरी निरीक्षक केसीले जनाएका छन् । उनका अनुसार बिहान ६ बजे ग१च ७२३४ नम्बरको कार सडकबाट तल खसेको थियो ।