पोखरामा रहेर संगीतमा संघर्ष गरिरहेका सुनिल गायकको नयाँ गीत “कहिले भईन” को म्युजिक भिडियो डिजिटल बजारमा सार्वजनिक भएको छ । बुधबार पोखरामा एक कार्यक्रमका बिच उक्त भिडियो सार्वजनिक गरिएको हो । साराङ्गी म्युजिक स्टुडियोको प्रस्तुती र सुनिलकै शब्द संगीत रहेको गीतमा साँहिला गयकको एरेन्ज रहेको छ ।
गीतको भिडियोको छायाँकन पोखराको काहुँडाँडा र लेकसाइडको पेरिफेरिमा गरिएको हो । भिडियोमा रोहन असिफ र जानकी थापाको अभिनय देख्न सकिन्छ भने भिडियोलाई नेत्र गुरुङले निर्देशन गरेका हुन ।
सारङ्गी रेकर्डिङ स्टुडियोमा रेकर्ड भएको गीतको म्युजिक भिडियोमा साहायक निर्देशनको भूमिकामा सबिन गायक छन् । पब्लीसिटी डिजाईनर सँगै म्युजिक भिडियोका कलाकार समेत रहेका सबिनले छायाँकनको पाटोमा समेत नेत्रलाई सघाएका छन् । गीतमा पुकार पुनको समेत अभिनय रहेको छ ।
