जन्मभुमि खबर ,
पोखरा ।
२३ औं संस्करणको आहा रारा पोखरा गोल्ड कपमा आज भएको खेलमा त्रिभुवन आर्मी क्लब अन्तिम चारमा पुगेको छ।
आइतबार भएको क्वार्टरफाइनलमा संकटा क्लबलाई ३-० गोलले हराएर आर्मी सेमिफाइनलमा पुगेको हो।
आर्मीको जितमा दिनेश हेन्जनले दुई गोल गरे। उनले खेलको ४८ र ७६ मिनेटमा गोल गरेका थिए।
त्यसअघि खेलको ४५ मिनेटमा जिलेस्पी जंग कार्कीको गोलबाट आर्मीले अग्रता लिएको थियो ।
संकटा बाइ पाएर सिधै क्वार्टरफाइनल प्रवेश गरेको हो भने आर्मीले प्रिक्वार्टरफाइनलमा नवप्रवेशी राइजिङ स्टारलाई १–० ले पराजित गरेको थियो ।
भोलि सोमबारको खेल मनाङ मस्याङदी फुटबल क्लब र जावलाखेल युथ क्लब र बिच प्रतिस्पर्धा हुनेछ ।
